食在當下‧ HK Foodstop — 第四十一站 【尖沙咀篇】 極尚大喜屋日本料理【SPD4459】

SPD4459 小隊嘅Jason 最近生日啊！(齊鼓掌!啪啪啪啪啪) 有人就好有心知佢鍾意食日本野，特登同佢去食極尚大喜屋日本料理！平時比較少食放題，都唔知邊間有質素保證，但一聽到係去極尚即刻舉腳叫好！幾年前試過大喜屋，食過都唔錯，今次仲要去極上，應該會比普通大喜屋更加upgrade？


食放題最重要梗係要瘋狂食刺身，咁先最回本！佢啲刺身全部都好厚切，亦都好新鮮！



連對面都舉起手指讀好～



熟食有質素之餘，佢好既地方就係寫幾多數量就真係黎幾多，絕對唔會因為黎多左食唔哂而浪費！



食極尚其中一個重點：就係一定要瘋狂食海膽！小二，三打海膽壽司啊唔該。



佢真係連甜品都唔輸蝕！有十款左右既甜品俾你揀，每人仲會送一杯Häagen-Dazs雪糕，攬住個肚返屋企！

雖然呢間比一般放題係偏貴，但服務員態度好好，有咩要求都盡量配合我地，其他食客都食得好思文，食物質素又好，係一個好好既回憶！



好Jeng指數: ★★★★★
賣相: ★★★☆☆





Foodstop 資料
Foodstop :  極尚大喜屋日本料理
地址：尖沙咀加連威老道2-6號愛賓商業大廈後座1樓102號舖
電話：3188 1988
營業時間: 星期一至六: 12:00-15:00; 18:00-23:15  星期日: 12:00-15:00; 17:45-23:00
更多Foodstop 資料 :
http://www.openrice.com/zh/hongkong/r-%E6%A5%B5%E5%B0%9A%E5%A4%A7%E5%96%9C%E5%B1%8B%E6%97%A5%E6%9C%AC%E6%96%99%E7%90%86-%E5%B0%96%E6%B2%99%E5%92%80-%E6%97%A5%E6%9C%AC%E8%8F%9C-%E6%97%A5%E5%BC%8F%E6%94%BE%E9%A1%8C-r166138
SPD4459SPD4459SPD4459SPD4459SPD4459SPD4459SPD4459SPD4459SPD4459SPD4459SPD4459SPD4459SPD4459SPD4459SPD4459SPD4459
_______________________________________________________________________________
想了解食在當下• HKFoodStop更多，詳情可以follow:
Instagram: https://www.instagram.com/spd4459hk_foodstop/
Facebook : https://www.facebook.com/HKFoodStop



SPD4459 HK Foodstop 小編 : Jason Tang

                                                         【SPD4459 HK Foodstop】

Read More

食在當下‧ HK Foodstop — 第四十站 金家樂茶餐廳【大角咀茶餐廳】【SPD4459】

開左foodstop 呢個blog 咁耐好似成日介紹新式餐廳，好少提及香港懷舊既茶餐廳，今日就同大家介紹一下開左三十幾年既大角咀茶餐廳啦住係大角咀既人一講到餐廳，一定會諗起金家樂

佢始終係茶餐廳，衛生環境就一般，但係都算舒服又大間唔會好迫，服務態度都同普通茶餐廳一樣，不過佢地出餐既效率好快:)
點解Yanis小編會介紹呢間呢，因為我已經食左差唔多二十年，佢既水準真係keep得好好！認真講，我試過早餐同晚餐都幫襯佢

佢既早餐份量好多，午餐每日都有唔同菜色。

今次小編就推介佢既下午茶同晚餐啦，下午茶就款式都好多，最令我着迷既係豬扒包加。。。


豬扒包+奶茶 (HKD$29) 下午茶
每次都係熱辣辣，個包好脆又鬆化，配上田園沙律汁同青瓜生菜，令成個包好清新又唔會漏，佢既豬扒好香口而且大塊又啖啖肉我真係一個月要食兩三次，食極都唔會厭！小編係奶茶控，去茶餐廳必叫，但發現奶多港式茶餐廳既奶茶都奶苦澀，但呢間既奶茶，茶味香濃而奶味偏重，飲落好滑又香！

好Jeng指數: ★★★★☆

賣相: ★★☆☆☆

生炒排骨

係出面大牌檔就通常必叫，黎到金家樂點解都要叫，原因係佢既晚巿都好受歡迎，好多款式選擇，啫啫雞煲，又有海鮮啊生蠔煲等等，全部都好有火喉。經過小編我咁多年食佢既經驗，最推介一定係生炒排骨，佢炸但脆皮好鬆化又唔會好厚，入面既排骨好嫩滑，唔會炒到過火，重點係個醬汁酸甜得黎又入味屋企人每次食都必叫

好Jeng指數: ★★★★★

賣相: ★★★★☆SPD4459SPD4459SPD4459SPD4459SPD4459SPD4459SPD4459SPD4459SPD4459SPD4459SPSPD4459SPD4459SPD445

Foodstop 資料

Foodstop : 金家樂茶餐廳
地址：大角咀大全街12-18號地下
電話：2396 5567
更多Foodstop 資料 : http://www.openrice.com/zh/hongkong/r-%E9%87%91%E5%AE%B6%E6%A8%82%E8%8C%B6%E9%A4%90%E5%BB%B3-%E5%A4%A7%E8%A7%92%E5%92%80-%E6%B8%AF%E5%BC%8F-r1557
_______________________________________________________________________________
想了解食在當下• HKFoodStop更多，詳情可以follow:
Instagram: https://www.instagram.com/spd4459hk_foodstop/
Facebook : https://www.facebook.com/HKFoodStop

SPD4459 HK Foodstop 小編 : Yanis Lai

Read More

食在當下‧ HK Foodstop — 第三十九站 肥姐【旺角小食篇】【SPD4459】

食在當下‧ HK Foodstop  — 第三十九站 肥姐 [旺角小食篇] [SPD4459]

旺角出名多小食掃街鋪，平時篤下魚蛋，食下雞蛋仔，臭豆腐，煎釀三寶都食到厭，覺得冇咩新意！ 今日約左朋友係旺角行街，襯住朋友未到，周圍行下，搵下好野食！

經過登打士街附近，見到好長人龍(而次次經過，呢條人龍都好似冇消失過)，就連隔離涼茶鋪同韓國小食店既門面都塞滿哂排隊既人。小編幾經辛苦先逼到入去睇下呢間鋪既盧山真面目。哦...原來係一間叫肥姐既小食店，專賣生腸，墨魚，豬頸肉，滷味等等。呢啲小食周街都有，點解呢間多人到咁？雖然多人，但都決定排隊試下！

伙記手腳好快，幾分鐘就輪到我。 嗌左個大皇牌套餐，個餐包左一串墨魚，大生腸，同火雞腎。

大皇牌($31)
評價：首先要講下佢啲生腸，洗得好乾淨，食落冇乜內臟味，反而滷水味就好出，咬落亦都爽口彈牙！至於雞腎，都好清爽，一啲都唔韌！至於啲墨魚，食落索索聲，咬落仲有啲墨魚汁，感覺好新鮮！講到肥姐，唔可以唔提下啲醬汁！個滷水汁唔太咸唔太甜，加上啲料夠靚，每串都好入味！除此之外，佢仲加左啲甜醬同芥末醬，同埋冰鎮既滷味配搭埋，令到成件事昇華哂！

好Jeng指數: ★★★★☆
賣相: ★★★★☆

對於唔食得太辣既小編黎講，反而覺得肥姐係越辣越好食！食左兩串，已經留哂兩行眼淚！
唔怪得每次經過呢到都咁多人排隊！肥姐果然名不虛傳！

食下食下，朋友終於黎到，對於平時唔太好內臟既朋友黎講，肥姐係真係比較重口味。不過係我既威逼利誘之下食過，朋友表示佢已經反唔到轉頭！大家經過旺角，真係要去肥姐到試下！

如果想知道更多油尖旺美食，請大家繼續留意我地SPD4459 既foodstop page 喇！

 Foodstop資料
Foodstop: 肥姐小食店
地址: 旺角登打士街 55號4A鋪
電話: 91917683
營業時間:星期一至日: 14:00-23:00或售完

更多Foodstop資料: http://www.openrice.com/zh/hongkong/r-%E8%82%A5%E5%A7%90%E5%B0%8F%E9%A3%9F%E5%BA%97-%E6%97%BA%E8%A7%92-%E6%B8%AF%E5%BC%8F-r18013
________________________________________________________________________

想了解食在當下• HKFoodStop更多，詳情可以follow:
Instagram: https://www.instagram.com/spd4459hk_foodstop/
Facebook : https://www.facebook.com/HKFoodStop

SPD4459 HK Foodstop 小編 :  Molly Ling

Read More

食在當下‧ HK Foodstop — 第三十八站 Chicken HOF and SOJU 李家【尖沙咀韓食篇】【SPD4459】

食在當下‧ HK Foodstop  — 第三十八站 Chicken HOF and SOJU [尖沙咀韓食篇] [SPD4459]




近排秋風起，趁住難得清閒，約反三五知己出黎摸下酒杯底，食反舊炸雞，即刻咩煩惱都冇哂！

今日輪到SPD4459小隊 ，Molly小編帶大家去食韓國菜！呢間野開咁耐都仍然門庭若市，雖然都算一早去到，但已經見到排哂隊，果然要食好野係要付出下！

(from openrice)

呢間餐廳位於尖沙咀出名既韓食街，雖然係暗角位，但一啲都遮蓋唔到佢既閃爍，因為呢間野好早期已經被譽係最正宗既韓國餐，仲拎過好多食評大獎。唔只有得堂食，係隔離仲開多間專做take away既，未行到埋去，已經聞到香！

燒五花腩肉 ($190)
評價：呢個五花腩真係十級推介！咬落有小小咸，有被煙燻過既味道，但好香口！最好既係佢脂肪分佈得好平均，唔中意食舊肥油既話，好容易就可以將佢咬走！同埋每舊肉都好嫩，但又冇乜油，感覺上唔會好肥膩。再加上辣辣地既泡菜做配料，同咸既五花腩肉好match!!!!!

好Jeng指數: ★★★★☆
賣相: ★★★★☆

 芝士雞蛋卷 ($120)



評價：呢個真係要襯熱食！佢既雞蛋煮得岩岩好，煎得唔會太熟，咬落去覺得好滑，啲蛋汁漏哂出黎！而且啲芝士都好煙韌，份量超級多，每啖都可以拉到好長既芝士。加埋啲茄汁，個配搭十分之好！舊蛋都算幾厚，幾抵食！

好Jeng指數: ★★★★☆
賣相: ★★★★☆

海鮮蔥餅 ($150)
評價：呢個海鮮蔥餅好大份，小編4個人去都食唔哂！雖然個味道有啲啖，但裡面啲料就好足，個蛋又唔算好老，配埋啲汁點黎食，酸酸地，好禾味！


好Jeng指數: ★★★★☆
賣相: ★★★☆☆

 
炸雞雙拼：原味炸雞mix甜醬炸雞  ($190)
評價：呢個炸雞，可能係全世界最好食既炸雞！對於中以食炸雞皮既我黎講，呢塊雞皮好鬆脆，但又唔會覺得好厚粉！而且肉質好鮮嫩，好有肉汁！而個甜醬都好惹味，不過就有啲辣，不過就唔知點解越辣就越想食！同埋啲雞食落又唔會好油，真係冇得輸！

好Jeng指數: ★★★★☆
賣相: ★★★★☆

SO & MAC Tower ($128)

評論：食炸雞點可以冇酒呀！逐支逐支嗌邊過癮嫁，呢個啤酒巨塔就可以滿足到咁多個酒鬼既欲望！其實呢個係一隻韓國燒酒溝韓國啤酒既酒精飲品！飲落又唔會好苦，最岩我呢啲其實又唔係好識飲酒但又要過下酒癮既人！再配埋炸雞，我仲以為自己已經飛左去韓國同oppa食緊野呀！

好Jeng指數: ★★★★☆
賣相: ★★★★☆

呢餐雖然係有啲貴，但其實又覺得抵食，起碼睇得出呢個韓國老闆娘好有心機去經營，對煮韓國料理都好有熱誠！加上呢待應態度都好親切，環境都幾舒適，俗語話，民以食為天，偶巳一兩餐，唔過份呀。如果想知道更多油尖旺美食，請大家繼續留意我地SPD4459 既foodstop page 喇！


Foodstop資料
Foodstop: Chicken HOF and SOJU 李家
地址: 尖沙咀金巴利道84號金閣大廈地下
電話: 23758080
營業時間: 星期一至日: 14:00-06:00

更多Foodstop資料: http://www.openrice.com/zh/hongkong/r-李家-尖沙咀-韓國菜-韓式炸雞-r69881
________________________________________________________________________

想了解食在當下• HKFoodStop更多，詳情可以follow:
Instagram: https://www.instagram.com/spd4459hk_foodstop/
Facebook : https://www.facebook.com/HKFoodStop

SPD4459 HK Foodstop 小編 :  Molly Ling

Read More