食在當下‧ HK Foodstop — 第二十九站 玩具小屋咖啡室 Cubby Café【油麻地Cafe篇】【SPD4459】

SPD4459小隊又出動喇！話說之前Kate小編同中學同學聚會，大家想舒舒服服坐低傾下計、講下近況咁。呢個時候，樓上Café仲唔係不二之選！呢站Foodstop有個好可愛既名—玩具小屋咖啡室，由油麻地地鐵站A2出口行兩分鐘就到，非常方便。

Foodstop內佈置色彩繽紛，好有童趣既感覺；另外有不同種類Board game提供，果然符合＂玩具小屋＂呢個名～整體環境都唔錯，又唔會覺得好逼，同朋友食野同玩game都覺得好舒服。

一大班人黎都唔駛驚! 有好多Board game可以選擇，實揀到個啱心水既一齊玩~!

帕爾馬白酒海鮮意大利飯($118) ↑↑圖左↑↑
評價: 畢竟係意大利飯，所以都有心理準備會有點膩，但估唔到煮得剛剛好，米飯既口感一啲都唔差啵。雖然白酒酒味唔太明顯，飯既整體味道都幾好幾特別，海鮮配料都幾多～小編同朋友一致認為呢個意大利飯係高質素既！
好Jeng指數: ★★★★☆
賣相: ★★★★☆

意式芝士肉醬意粉($98)↑↑圖右↑↑
評價: 芝士肉醬幾好味，醬汁帶少少甜，整體唔錯！

好Jeng指數: ★★★★☆
賣相: ★★★☆☆

傳統卡邦尼意粉($88) ↑↑圖左↑↑
評價: 配料都幾多，意粉軟硬適中，味道都夠濃郁~可惜份量少左啲，如果係男仔食一定唔夠飽><　
好Jeng指數: ★★★☆☆
賣相: ★★★☆☆

煙三文魚黑松露忌廉天使麵($108) ↑↑圖右↑↑
評價: 呢個天使麵既醬汁份量岩岩好，配料例如黑松露、香草等等令個面好香口。可惜三文魚唔多，但無損整體味道～
好Jeng指數: ★★★☆☆
賣相: ★★★☆☆

傳統西班牙海鮮燉飯($118) ↑↑
評價: 呢個燉飯幾有特色，有少少酸嫁，幾開胃。飯煮得好入味，睇落好似落左好重調味料咁，好彩食落唔會太咸啫～小編個人鍾意食海鮮，所以都幾滿意。
好Jeng指數: ★★★★★
賣相: ★★★★☆

芝士蒜香包($48) ↑↑圖左↑↑
評價: 蒜香包好脆口，又多芝士，呢個高度推介～！
好Jeng指數: ★★★★★
賣相: ★★★★☆

香酥炸雞翼($48) ↑↑圖右↑↑
評價: 新鮮炸起既雞翼好香脆～調味令佢好好好好食＞＜可惜一份得４隻，人多可能要叫多份先得嘿嘿～
好Jeng指數: ★★★★★
賣相: ★★★☆☆

西班牙辣肉腸($48) ↑↑
評價: 小編好鍾意茄汁嫁，所以呢個小食真係深得我心^^少少辣好惹味，令人食慾大增～
好Jeng指數: ★★★★☆
賣相: ★★★★☆


下次約咗朋友係油尖旺區聚會，不妨考慮下呢間Foodstop喇。除咗交通方便，同朋友一齊食好野之餘又可以玩遊戲放鬆下。各位記得繼續密切留意SPD4459小隊既推介，食哂所有油尖旺Foodstop喇！！！



Foodstop資料

Foodstop: 玩具小屋咖啡室Cubby Café
地址: 旺角彌敦道570-572號基利商業大廈901室
電話: 56123773/ 56125338
營業時間: 星期一:18:00-01:00; 星期二至日:13:00-01:00
更多Foodstop資料:

(1)Openrice:http://www.openrice.com/zh/hongkong/r-%E7%8E%A9%E5%85%B7%E5%B0%8F%E5%B1%8B%E5%92%96%E5%95%A1%E5%AE%A4-%E6%97%BA%E8%A7%92-%E8%A5%BF%E5%BC%8F-%E8%96%84%E9%A4%85-r150266

(2)Facebook:https://zh-hk.facebook.com/CUBBYCafe901/
______________________________________________________________________________

想了解食在當下• HKFoodStop更多，詳情可以follow:
Instagram: https://www.instagram.com/spd4459hk_foodstop/
Facebook : https://www.facebook.com/HKFoodStop

SPD4459 HK Foodstop 小編 : Kate Li

【SPD4459 HK Foodstop】